Tíðindi

Í dag eru starvsfólkini á Fløtum savnað í veitslulag. Hetta er siðvenja seinasta arbeiðsdagin undan summarfrítíðini, sum í ár er dagin eftir, at næmingarnir eru farnir í summarfrí.

Á skrivstovuni verður hildið neyvt eyga við, um onkur hevur starvsdag at hátíðarhalda henda síðsta dagin í skúlaárinum. Í ár eru ikki færri enn sjey starvsfólk, sum kundu heiðrast  fyri trúfesti. Samanlagt hava tey verið í starvi  á Fløtum í samfull 110 ár. Skúlin  fegnast um, at fólk trívast og at  royndir og ídni í arbeiðinum geva úrslit, sum koma øllum til gagns.

Tey, sum hava starvsdag, eru hesi:

• Dagny Højgaard, lærari
• Katrin Lindberg Mortensen, námsfrøðingur
• Lisa Hendriksdóttir, lærari
• Ingolvur Foldbo, húsavørður
• Malan Eyðunsdóttir, lærari
• Margreth Veihe, lærari
• Ribjørg Hentze, skrivstovufólk
   

Regin Marnersson, skúlastjóri, er uttast t.h. á myndini, og Ribjørg Hentze vantar.