Meginreglur viðvíkjandi fartelefonnýtslu í Skúlanum á Fløtum

Yvirskipað

Sambært § 53, stk. 5 í lógini atferðarreglur skúlans, skulu øll skúlastýri saman við skúlaleiðslum gera meginreglur og mannagongdir fyri fartelefonir í skúlatíð. 

Meginreglan í Skúlanum á Fløtum er, at vit ynskja ikki at næmingar hava fartelefonir við í skúla. Tí tær eru ikki undirvísingaramboð og tað er ikki tørvur á teimum í okkara undirvísingargongdum. Tí eru hesar yvirskipaðu meginreglur galdandi:

·      at fartelefonnýtsla ikki er loyvd í skúladegnum, hvørki í undirvísingartímum ella fríkorterunum,

·      um foreldur velja, at teirra børn kortini skulu hava fartelefon við í skúla, skal næmingurin leggja  telefonina í bakkan ella í skápið, tá hann kemur í skúla.

·      um næmingur ikki heldur hesar reglur, so kann skúlin taka fartelefonina frá næminginum og

·      at næmingarnir fáa fartelefonirnar aftur, tá ið skúladagurin endar.

Grunddeild f.fl – 3.fl. 

Næmingarnir eiga ikki at hava telefon ella snild-ur við í skúla.

Foreldur kunnu ringja til flokslærara ella á skrivstovuna á 30 23 45, um tey hava átroðkandi boð. 

Næmingar kunnu allan skúladagin ringja heim við telefonini hjá skúlanum.

Galdandi fyri tey, ið kortini hava telefon við er; at lærari, sum hevur flokkin fyrsta tíma um morgunin, savnar telefonirnar inn, og tær verða settar í skápið í skúlastovuni, sum verður læst.  

Lærarin, sum hevur næmingarnar seinasta tíma í heimastovuni, letur næmingunum telefonirnar aftur eftir loknan tíma. 

Telefonirnar skulu allan skúladagin verða sløktar, ikki bara í flogstøðu, so tær ikki órógva.  

Miðdeild 4.fl – 6.fl. 

Næmingarnir eiga ikki at hava telefon ella snild-ur við í skúla.

Foreldur kunnu ringja til flokslærara ella á skrivstovuna á 30 23 45, um tey hava átroðkandi boð. 

Næmingar kunnu allan skúladagin ringja heim við telefonini hjá skúlanum.

Galdandi fyri tey, ið kortini hava telefon við er; at lærari, sum hevur flokkin fyrsta tíma um morgunin, savnar telefonirnar inn, og tær verða settar í skápið í skúlastovuni, sum verður læst.  

Lærarin, sum hevur næmingarnar seinasta tíma heimastovuni, letur næmingunum telefonirnar aftur eftir loknan tíma. 

Telefonirnar skulu verða sløktar, ikki bara í flogstøðu, so tær ikki órógva. 

Hádeild 7.fl – 9.fl. 

Næmingarnir eiga ikki at hava telefon ella snild-ur við í skúla.

Foreldur kunnu ringja til flokslærara ella á skrivstovuna á 30 23 45, um tey hava átroðkandi boð. 

Næmingar kunnu allan skúladagin ringja heim við telefonini hjá skúlanum.

Galdandi fyri tey, ið kortini hava telefon við er; at næmingurin leggur telefonina í sítt næmingaskáp og læsir skápið. Lás kunnu fáast á skrivstovuni móti 150,- í depositum. Hetta verður latið næminginum aftur, tá lásið verður latið inn aftur. 

Telefonirnar skulu verða sløktar, ikki bara í flogstøðu, so tær ikki órógva. 

Starvsfólkini kunnu í serligum førum tá tað er tørvu á tí, nýta telefonirnar í skúlatíð saman við næmingunum sum part av undirvísingini, men hetta skal verða fráboðað frammanundan á vikuætlanini. Tá verða hesar tiknar fram eftir tørvi og síðan settar aftur í skápið eftir lokna undirvísingargongd. 

--

Næmingar, ið áhaldandi ikki virða telefonreglur skúlans, verða saman við foreldrunum innkallað á fund við deildarleiðara og flokslærara um framhaldandi skúlagongd, manglandi virðing fyri reglum og skúlamentan. 

--

Seinast dagført 13/03-2024 (RMA)