Tíðindi

Vit eru mitt í hugdýpingardøgunum og 5. flokkarnir hava arbeitt av øllum alvi við at fyrireika eitt stórt og spennandi tivoli. Tá dyrnar lótu uppí morgun, vórðu gestirnir tiknir við á eina ferð fulla av stuttleika, avbjóðingum og góðum upplivingum.
Har var okkurt fyri øll:  sláa seym í bjálka sum ein sannur handverkari, fáa ein spennandi spádóm, kasta róma, fáa andlitið málað, hárið flættað, “skjóta” lærarar ella fara  inn í spøkilsishúsið. Eisini var fiskibrunnur, gullnám,  villiniborg og nógv annað stuttligt á skránni. Tey svangu fingu poppkorn, og tey flestu kundu vinna góðgæti og kanska okkurt at drekka.

Gestirnir úr hinum flokkunum stuttleikaðu sær óført. Hetta var júst sum á  ólavsøku, tað einasta, ið manglaði, vóru føroyskum klæðini og hornblásturin  :-) .