Tíðindi

 
Í framløguni greiddi Eli frá, hvussu týdningarmikið tað er at arbeiða miðvíst við fysikkinum hjá fótbóltsspælarum. Hann kom inn á evni sum styrkivenjing, skjótleika, skaðafyribyrging, og hvussu ein kann leggja eina góða venjingarætlan, sum hóskar til krøvini í nútímans fótbólti. Luttakararnir fingu eisini innlit í, hvussu arbeiðið við fysisku menningini verður skipað kring føroysku landsliðini, og hvussu venjing kann tillagast bæði ungum og vaksnum spælarum.
 
Uppleggið gav góða vitan og nógv hugskot, sum venjarar og spælarar kunnu taka við sær í dagliga arbeiðið á vøllinum.
 
Fótbóltsrásin takkar Eli Leifsson Nolsøe fyri eina áhugaverda og gevandi framløgu.

Tekstur og myndir: ATU