Tíðindi

Síðstu vikuna hava vit í forskúlanum havt evnisviku um gongustjørnur. Hvønn morgun, í morgunsanginum, hava vit kannað okkum vitan um m.a. Sólina, Merkur, Venus, Jørðina, Mars, Jupiter og Saturn. Vit hava sungið gongustjørnu sangir og sæð filmar um rúmdina. Evnað okkara egnu gongustjørnu úr pappírslími, gjørt rakettir, rúmdarmaskur o.a. Visti tú, at Jupiter og Saturn verða nevndar "gass gigantarnir",  og at Uranus og Neptun verða nevndar "ís gigantarnir"? Ella at Uranus er einasta gongustjørnan, sum melur runt á síðuni, í sólarskipanini? At jørðin hevði passað 63 ferðir inn í Uranus, og at á Neptun eru 170 kuldastig? Alt hetta og mangt annað hava vit kannað. Børnini hava spent granskað evnið. Teimum hava dámt vikuna sera væl. Og hvør veit, kanska onkur teirra einaferð fer at arbeiða fyri NASA

Tekstur og myndir: KLM