Tíðindi

Ansjós, állur, búrfiskur … Anda djúpt inn og kava niður í litríka og frálíka heimin undir vatnskorpuni! Kom við á eina serliga ferð gjøgnum stavraðið og hitt ennifiskin, rossamakrelin, skøtuna og nógv onnur forvitnislig sjódjór í hesi serstøku bókini.

Sólrún  hevur skrivað stuttligu og læruríku rímini um alskyns djór í havinum, og Annika Øyrabø hevur myndprýtt bókina við vøkrum, skemtiligum og spennandi pappírsklippum.

Sjókæti A-OY er lutvíst fíggjað av minnisgávu, sum varð latin í sambandi við jarðarferðina hjá Ellu Smith Clementsen, rithøvundi. Við hesi útgávuni ynskja tey avvarðandi og Bókadeild Føroya Lærarafelags at æra minnið um Ellu.