Tíðindi

Vit í forskúlanum hava síðstu tíðina arbeitt við evninum firvaldar. Vit hava m.a. lært, hvussu firvaldar fyrst eru: Egg, síðan ormvera, so reivvera og til síðst fullbornir firvaldar. Firvaldur hevur fullfíggjaða umskapan, fýra veingir og ein súgmunn. Ormverur, sum vit hava fingið úr Kirkjubø, hava búleikast inni í øllum forskúlastovunum, og børnini hava upplivað gongdina frá eggi til firvald. Í 12 dagar hevur ein admirálur búð inni hjá okkum. Børnini hava havt stóra gleði av firvaldunum. Í góðveðrinum í dag sleptu vit okkara admiráli út. Men hann tímdi sera illa avstað. Hann hevur uttan iva trivist væl millum børnini.

Orð og myndir: KLM