Tíðindi

Sum áður umrøtt hava lærarar verið á ráðstevnu í Norðurlandahúsinum í dag, har evnið var Lærdómur er lættur at bera – læring í 21 øld.  Dagurin varð skipaður við trimum felags framløgum og fimm verkstovum.  Meira um tað er at finna HER.
 
Ætlanin var, at landsstýrismaðurin í skúlamálum skuldi vera á staðnum, men foreldur hansara hava 71 ára brúdleypsdag í dag, og tí barst honum frá.  Aftur fyri kom hann við eini heilsan til uppmøttu skúlafólkini á stórskíggja, og tað riggaði bara væl.   
 
Ymist av  tí, ið frammi var, kendu lærarar aftur, so sum at eggja næmingunum at seta spurningar, at læra teir at finna og kenna trupulleikarnar, at stimbra børnunum at  kjakast og skifta orð, eggja til forvitni, at leggja til merkis skapandi hugskot og gerðir millum næmingarnar o.s.fr.  Onkur mundi rykkja brýr, tá ið fyrilestrarhaldarin nevndi orðini “give kontrol fra sig”, men tá ið lagt var afturat tað var fyri at fáa næmingarnar at uppdaga “spillerummet for autonomi”, mundi hann blíðkast :-) “Embodied, extended, enactive embedded,” jú, lærarar skulu alla tíðina dagføra sína vitan til tess at kunna  geva eina uppaftur betri undirvísing.
 
Dagurin endaði um nón.