Tíðindi

Bókin hevur tríggjar søgur um ung, sum eru í truplum støðum.

Í søguni "Melvin á mánanum" byrjar ein nýggj genta, Mille, í flokkinum. Melvin og fleiri aðrir dreingir eru hugtiknir av henni. Nú royna teir at fáa hana at dáma seg. Men hvør fer at bjóða henni út? Og er kanska onkur, sum dámar Melvin?

Hinar báðar søgurnar snúgva seg um sjúku, vinarlag og óvæntaðar upplivingar. Felags fyri allar søgurnar er, at tær vísa, hvussu ung fólk finna vón, eisini tá lívið er torført.

Bókin er lætt at lesa og hóskar frá umleið 12 ára aldri. Hon gevur eitt gott innlit í tankar og kenslur hjá ungum fólki.