Tíðindi

Í dag, 2. november, eru liðin seks ár, síðani næmingar og starvsfólk fluttu í nýggja skúlan á Fløtum. Hendan dagin í 2020 gingu næmingarnir í skrúðgongu av Frælsinum niðan í nýggja skúlan. Eftir fleiri ár í ymiskum skúlabygningum savnaðust  øll nú  undir somu tekju.

Sum kunnugt hevur Skúlin á Fløtum  røtur í tveimum søguríkum skúlum, Tórshavnar kommunuskúla og Venjingarskúlanum. Skúlarnir  vórðu lagdir saman í 2015 og komu longu tá undir somu leiðslu. Fyrsti stjóri í samanlagda skúlanum var Hanus Joensen, sum framman undan var stjóri í Kommunuskúlanum. Starvsfólkini tóku  tað besta við sær úr báðum skúlum   og hevur skúlin síðani  ment sín egna samleika og ein felagsskap, har læring, trivnaður og samanhald eru í miðdeplinum.

Í morgun varð føðingardagurin hátíðarhildin við felagssangi og samveru. Ein vøkur løta, sum minnir okkum á, at ein skúli er nógv meira enn ein fínur bygningur.  

Hjartaliga til lukku við degnum, Skúlin á Fløtum.

Upptøkur: IHE