Tíðindi
ÁRLIGI TÚRURIN NIÐAN Á VESTURVARÐA
6.D VIÐ WESTWARD HOO
SO VÓRU VIT AFTUR Í SKÚLA
SAMAN ERU ØLL SKÚLIN Á FLØTUM
KOMIÐ TRYGT Í SKÚLA
110 ÁRA STARVSDAGAR Á FLØTUM
FELAGSSANGURIN
Felags foreldrafundur mikudagin 15/3
Góðu foreldur,
Skúlastýrið bjóðar til felags foreldrafund í Skúlanum á Fløtum mikudagin 15/3 kl 19
Evnið í ár er “kostur, hugburður, dannisli og mørk”
Snorri Patursson, sum er foreldur á skúlanum og foreldraumboð í skúlastýrinum fer at greiða frá um kost og heilsu tengd at skúlagongd. Snorri hevur seinastu 12 árini arbeitt við fyribyrgjandi og heilsufremjandi verkætlanum innan fólkaheilsu, mat, rørslu og matmentan. Snorri er útbúgvin yrkisbachelor í føðslu og heilsu við sergrein í kostfrøði og er vana- og ovátsráðgevi.
Regin Marnersson, hevur verið skúlastjóri í Skúlanum á Fløtum seinastu 6 árini. Regin er eisini foreldur á skúlanum. Regin er útbúgvin lærari og hevur tikið eftirútbúgving í námsfrøðiligari leiðslu. Regin fer at hugleiða um dannisli og mørk í skúlanum og knýtir hesi at hugburðinum hjá unga foreldraættarliðnum, ið er knýtt at skúlanum.
Derhard Jógvansson, skúlastýrisformaður leggur eisini fram ársfrágreiðingina hjá skúlastýrinum.
Til ber at lesa eitt sindur um virðisgrundarlagið hjá skúlanum á
https://saf.fo/mid-og-mal?_l=fo
Vónandi møta tit fjølment til fundin
Regin Marnersson, skúlastjóri & Derhard Jógvansson, skúlastýrisformaður