Tíðindi
SPENNANDI OLYMPISKIR LEIKIR
RITHØVUNURIN VITJAR
NÆMINGAR Í 9. FLOKKI: ROYNDU SEG SUM LÆRARAR
TEY Í 5. D VITJAÐU UMBORÐ.....
FRÁ TURRUM BREYÐI TIL EGGJATÓST
GUÐRUN STJÓRNAÐI SYMFONIORKESTRINUM
LANDSROYNDIR
FRÁ 1.B OG 1.E: LÍV Í BACALAO
Kring allan knøttin eru vinnuøki í broyting. Bacalao í Havn er einki undantak. Hesin veldigi bygningurin, sum eigur ein stóran leiklut í vinnusøgu okkara, er endiliga vaknaður aftur, eftir at hava staðið tómur í alt ov nógv ár.
Í 2020 lat Havnar Klintrifelag klintrihøll upp í gomlu frystigoymsluni í Bacalao, og tað sama gjørdi Skatefelagið. So nú ber til at íðka klintring, rulluskoyting, súkkling, skateboarding og parkour har.
Vit í 1.b og 1.e vórðu forvitin um staðið, og vildu uppliva nýggja virksemið, tí skipaðu vit fyri einum Bacalaodegi. Vit pakkaðu hjálmarnar, súkklurnar, rulluskoytirnar, rennihjólini og skateboardini, og fóru síðani fegin oman á Vestaru Bryggju. Tá ið vit vórðu liðug at klintra og rulla, fóru vit at keypa okkum føroyskan ís í íssjoppini, sum heldur til á triðju hædd í Bacalao.
Vit høvdu ein herligan dag saman, og vilja fegin takka Havnar Klintrifelag, Skatefelagnum og ÍS fyri kjansin.
Vinaliga
1.b og 1.e