Tíðindi

Hóast forskúlin er skerdur í hesum døgum vegna verkfall, so eru kortini onkur úrslit at síggja. Sonja Síminardóttir er lærari í forskúlanum. Hon hevur sent heimasíðuni myndirnar niðanfyri og sigur, at í gjár var Tummas Jákup Thomsen listamaður og vitjaði. Frammanundan høvdu børnini vitjað í Listaskálanum, har tey fingu íblástur frá hansara  listaverkum til sínu egnu listaverk, sum nú hanga í “Hjartarúminum” í innskúlingarøkinum.
 
Listamaðurin er so gávumildur, at hann í sambandi við verkætlanina rundan um summarframsýningina hjá forskúlanum , hevur givið terimum tvey flott listaverk, sum vóru at síggja á várframsýningini. Og sum vera man eru øll sera takksom fyri fínu gávuna.
 
Um fáar dagar fara næmingarnir í forskúlanum í summarfrí, og tá ið skúlin byrjar aftur fara teir í 1. flokk. Men áðrenn tað kemur so langt, t.e.  einaferð í summarfrítíðini,  kemur hennara hátign Margreta drotning at vitja á Fløtum. Og so er at vóna, at frálíku  avrikini hjá forskúlanæmingunum sleppa at hanga, so drotningin fær høvi at  síggja tey :-)