Tíðindi

Articon skrivar á heimasíðu síni, at vegagerðin av Hans Andriasar gøtu, sum umfatar ger av vegi frá Landavegnum niðan á Marknagilsvegnin fram við Skúlanum á Fløtum, er liðug og avhendað Tórshavnar kommunu.

Teinurin á Marknagilsvegnum frá innkoyringini undir Gráasteini og oman móti Landavegnum er eisini høvuðsumvældur saman við eini umfatandi umlegging av el- og telekervinum. Íbinding og liðug ger av Janusar gøtu hevur eisini verið partur av hesi verkætlan.

Umframt nógv grevstrar- og planeringsarbeiði eru lagdir áleið 3,4 km av kantsteinum, 23.400 m2 asfalteraðir og 1,5 km av timburkanti eru settir upp.