Tíðindi

Øgiliga skjótt fara  børn og starvsfólk í stásiliga skúlan úti á Fløtum. Í hesi vikuni byrja tey at flyta tilfar til fakstovurnar, so fara tey at flyta tíggjutals plattar við bókum av Frælsinum og av Argjum. Tær skulu  setast upp á nýggja skúlabókasavninum, tá ið hillarnar eru komnar upp á pláss. Bókasavnið verður eitt opið bókasavn og liggur miðskeiðis í bygninginum.    
 
Stóru verkætlanina eiga toymið við Árna Winther arkitektum, ZETA architects, Brim arkitektum, SMJ og LBF. Articon og Búsetur standa fyri byggingini.
 
Sum myndirnar vísa, er økið rundan um skúlan so gott sum liðugt. Reyði liturin kring skúlan er ein 500 metra rennibreyt, sum allir borgarar eisini eru vælkomnir at nýta.Kommunan ætlar, at rúmið á tekjuni skal vera opið ávísar tíðir, so almenningurin kann sleppa at njóta útsýnið.
 
(Myndir: torshavn.fo)