Tíðindi

Jens Marius gongur í 5.a. Í handaverk&list hevur hann valt greinina iVideo. Har læra tey at taka myndir og taka upp film og ljóð við ipaddi.  

Í gjár høvdu tey til uppgávu at taka myndir av gróðrinum uttan fyri skúlan. Men Jens Marius víðkaði uppgávuna hjá sær, legði sínar myndir á ein filmsbita og setti tónleik til.
 
“Mær dámar øgiliga væl at taka myndir við telefonini, serliga náttúrumyndir,” sigur  11 ára gamli hugaði myndanæmingurin  við heimasíðuna, og vísir á, at hini í bólkinum eisini hava tikið nógvar góðar myndir. Heimasíðan hevur tosað við fleiri teirra, og tey lova okkum nakrar myndir at vísa seinni.
 
Frálíku heystmyndirnar hjá Jens Mariusi eru at síggja niðanfyri: