Tíðindi
SEINASTI STARVSDAGUR HJÁ TORFINNI
HEITT BATT
MOTORLÆRA: SPENNANDI OG LÆRURÍKT
RITHØVUNDAVITJAN: "MATUR OKKARA VIRÐISMIKLA TILFEINGI"
SAMSTARV ER LYKILIN.....
LØGTINGSNEVND Á VITJAN
VÁRROYNDIN
EITT KNOSS, MEN STUTTLIGT
Fríggjadagin var 7.b til arbeiðis í skúlagarðinum í nýggja skúlanum úti á Fløtum. Uppgávan var at rudda steinar úr moldini við suðurendan, har ein grasfløta spakuliga fer at taka seg fram.
Marjun Dánialsdóttir var við næmingunum henda dagin, og hon sigur, at veðrið var eitt sindur avbjóðandi, men tey vóru so heppin at sleppa at eta matpakkan inni í skúlanum, har sum umsitingin kemur at halda til.
Lærarin letur væl at næmingunum, teir vóru serstakliga fittir og raskir og gjørdu eitt gott arbeiði
“Tað var eitt knoss at bera eina spann fyri og aðra eftir fullar í gróti úr øðrum enda í annan. Men afturfyri var tað stuttligt at sleppa at vera við í arbeiðinum,” greiður Marjun heimasíðuni frá og leggur afturat, at prikkurin yvir i-ið var at sleppa upp á stórfingnu tekjuna.
Stjórin var á staðnum og legði teimum lag á, og tá ið tey vóru liðug vórðu øll boðin oman á Burger King til eina væl uppiborna máltíð.
Framman undan hava hinir 7. flokkarnir verið og arbeitt uttan fyri nýggja skúlan.
(Myndir: Marjun Dánialsdóttir)