Tíðindi
NÚ ER SUMMARFRÍTÍÐIN BYRJAÐ
FARVÆL 9. FLOKKUR
PRÓGVHANDAN
SKÚLATIVOLI
AFTURVENDANDI KASSABILAKAPPKOYRINGIN
ELSUBA í 5.D VINNUR FYRSTU VIÐISLØN Í SØGUKAPPING
SPENNANDI SKÚLATIVOLI
LONGAN VIGAÐI 5,8 KG!
Í gjár frættist á heimasíðuni, at 6.d hevur verið í fjørðinum við sluppini. Nú hava báðir javnflokkarnir, 6.a og 6.b eisini verið hvør sín slupptúr við tráðuni. Jú tú læst rætt, tey fiskaðu nevniliga við tráðu og spæli. Hetta gjørdi fiskiskapin so serliga spennandi, bardagin við stóra toskin fekk adrenalinið rættiliga at seta til.
“Dagurin eydnaðist sera væl. Næmingarnir vóru fyrimyndarligir, hugnaðu sær og vóru sera ídnir at fiska og at kryvja. Frágera vinarlig manning, sum var røsk at hjálpa næmingunum. 6.b fekk 73 fiskar, tann størsti var ein longa, sum vigaði 5,8 kilo.
Birita og Allan eru flokslærarar hjá ungu veiðifólkunum. Allan eigur orðini omanfyri, og tað hann sigur um túrin hjá B flokkinum kundi tað sama verið sagt um túrin hjá A flokkinum. Í skrivandi stund vita vit tó ikki, hvussu nógvar fiskar A flokkurin fekk, men eftir myndunum at døma taldu teir ikki lítið.
Sigast kann, at Skúlin á Fløtum stendur væl fyri í kappingini um at gerast besti fiskiflokkur í ár :-)
Les eisini um túrin hjá D flokkinum. Flyg slóðini HER.
(myndir og upptøkur: Alln og Birita)

















































