Tíðindi
100 dagar í skúla!
ESTHER
BRÚSAJØKUL
Bartal og Bjatmi
RÚNASPÁ
TODI
Norðurlendskar stuttsøgur
Á FLOTI VIÐ SLUPPINI
Í gjár var 6.d í fjørðinum við Westward Hoo saman við Arnóru,flokslærara, Katrini K, námsfrøðingi, og foreldrum. Tey sigldu í umleið hálvan tíma til kastað varð. Øll skuldu vera í vesti, áðrenn loyst varð frá landi, og meðan tey sigldu á fiskimið, fingu tey góða kunning um trygdina umborð. Eisini greiddi manningin frá, hvørjar skipanir og mannagondir eru galdandi, um eitthvørt óvanligt skuldi hent.
Fiskitúrurin er partur í fiskikapping, millum 6. flokkarnar í kommununi. Hvør flokkur fiskar í umleið tríggjar tímar. Tann flokkur, sum fær flest fiskar, vinnur kappingina og fær vinnarasteyp til ognar. Fiskur minni enn 25 cm telur ikki við og verður settur út aftur. Skiparin skal hava talið á fiskum, og verður talið sent Tórshavnar kommunu.
Sum myndirnar vísa, var fiskiskapurin sera góður. Olivia fekk størsta toskin á túrinum, og hann er eisini tann besti higartil í kappingini. Og munnu tey í 6.d ikki fara at gera seg galdandi í kappingini?
(Myndir: Arnóra og Katrin Karlsdóttir)
