Tíðindi

Mánadagin vóru 4.a, 5.a og 6. a legutúr úti í Havnardali. Tey hildu til við ánna við omankoyringina  nakað  sunnan fyri gomlu brennistøðina. Birita er ein av lærarunum,  hon fegnast  um ógloymandi legudagin. Hann eydnaðist serstakliga væl,  dýrdarverður, góður hýrur og gevandi felagsskapur. Tey tjaldaðu, brendu bál, morsaðu, vassaður og svumu, bakaðu drýl og snerktu pylsur.

Høvi var eisini at fiska síl:   Jens Chr. er av ídnastu sílamonnum og  lærari í 4. flokki. Sum vera man  átti hann uppgávuna at leggja lag á. Hann sigur, at reyðmaðkur plagdi at vera góður til sílaagn, men hann er ikki at finna longur.  So vóru bara  onnur ráð til at taka: Sniglar! Snigilin vísti seg at vera gott agn, sílini bitu á og fleiri vóru syft upp á áarbakkan.

B flokkarnair fara eisini legutúr. Í gjár viðraði ikki, men í morgun sær betri úr.

(Myndir: Birita)