Tíðindi

Sólin og lýkkan í hinu vikuni dróg sum vera man næmingar og lærarar útum.

Mikudagin var hesin flokkurin  ein túr úti í Tinganesi, har altíð okkurt spennandi er at læra og tosa um. Mitt sum tey koma fram við Stokkastovuni stendur løgmaður í skugganum ovast upp í trappuni á Skansapakkhúsinum  og nemur hitan av blíðu heitu sólini. Fryntligur góðsligur tók hann nøkur fet niður eftir trapputrinunum, so Katrin skjótt kundi klikkja eina mynd inn í snildfonina:  Løgmaður við frástøðu aftanfyri, og næmingarnir frammanfyri.

Løtu seinni spjaddi bólkurin seg aftur og helt leiðina fram.

(Myndir: KKJ)