Tíðindi

Árligi túrurin niðan á Vesturvarða var í morgun. Veldigi varðin stendur  uppi í Flatnahaga í 222 metra hædd. Upprunaliga varð hann lagaður sum peilimerki, tá ið Havnin á sinni varð máld upp.

Eftir morgunfríkorterið settu øll beina kós móti Vesturvarða, og har varð matpakkin etin. Serliga væl mundi hann smakka í frískum lotinum. Leiðin gekk heimaftur eftir Rossagøtuni  oman fyri Norðasta Horn. Umleið trý korter eftir hádag vóru øll aftur á Fløtum, helst eitt sindur moyr, men kortini væl nøgd.

Frálíkt afturvendandi tiltak.

Myndir: JVÚ