Tíðindi

Ann-Mari av Skarði skrivar: 

Mánadagin vóru allir næmingarnir í 3. fl á Tórsbreyt, tí stuðulsrenning var á skránni. Næmingarnir høvdu fingið foreldur, vinir og onnur avvarðandi at stuðla sær við at gjalda ávísa upphædd fyri hvørja rundu, tey runnu ella gingu.

Kl. 9 herjaðu næmingarnir á og runnu út í eitt í ein heilan tíma. Tá tíðin steðgaði, hevði onkur runnið heilar 20 ferðir runt. Allir næmingarnir kýttu seg, so vit kundur savna so nógvar pengar sum gjørligt.

Nú er gjørt upp og vit hava sett 32.130,50 kr inn á konto hjá Beranum. Hetta er ein stór upphædd og næmingarnir í 3. flokki eru fegnir um at hava veitt Beranum hendan stuðulin.