Tíðindi

 
Jónfríð flokslærari sigur soleiðis frá:
 
Í fantastiskum kavaveðri gingu vit gjáramorgunin  oman til KFUK-brekkuna. Fleiri av næmingunum høvdu rumpusletu við, umframt at vit høvdu eina rullu av svørtum ruskposum við eisini.

Nøkur fá børn vóru har longu við sletu, tá vit komu, men har var gott pláss hjá okkum at skreiða í kavanum. Eftir eina løtu, fóru vit skjótari og skjótari oman brekkuna, tí hon gjørdist hálari, meira vit skreiddu. Tá vit høvdu skreitt í áleið hálvanannan tíma, fingu vit okkum heitt kakao og annað gott fyri at fáa hitan aftur.

Síðani  vendu vit út aftur á Fløtur;  bæði børn og lærari vóru sera væl nøgd við dagin.

Myndir og upptøka: JJÓ