Tíðindi

Í fjør vórðu nógv fleiri børn skrivað inn í Skúlan á Fløtum, enn pláss er fyri, og tí hevur Trivnaðarnevndin dagført  upptøkureglurnar soleiðis, at farið er frá frælsa skúlavalinum.

Sambært nýggju leiðreglunum hava skúlarnir í Tórshavnar kommunu nú grundupptøkuøki. Hesi eru samtykt á fundi í trivnaðarnevndini tann 15. november 2021. Grundupptøkuøkini eru gjørd við støði í talinum á børnum, sum hava aldur at fara í fyrsta flokk skúlaárið 2022/23. Dagføringin ber í sær,  at er  pláss ikki fyri øllum  innskrivaðu børnunum, sum búgva í grundupptøkuøkinum, verður partur teirra fluttur  í skúla í grannaøkinum.  

Upptøkuøkið hjá Skúlanum á Fløtum er sum víst við grønum liti á myndini omanfyri. Neyvari kunning frá kommunini: fylg slóðini  HER.

Kelda: torshavn.fo