Tíðindi

Innskúlingin hevur bjóðað skúlabólkum í dagstovnum at vitja  í eindini í Kongagøtu. Fleiri tóku av, og tey vóru inni á gólvinum hósdagin, fríggjadagin og fyrradagin. 

Skúlabólkarnir fingu eina lítla skúlauppliving, ið vardi í umleið 2 tímar. Børnini sluppu at royna seg við tølum, mongdum og bókstavum á ymsan hátt. Eisini sluppu tey at gera okkurt saman við 1. flokki, og luttaka úti í fríkorterinum í Grasagarði.

Stovnarnir, ið vóru til tiltakið, vóru hesir:

• Dagstovnurin við Landavegin
• Drotning Ingridar Barnagarður
• Býlingshúsið á Norðasta Horni
• Dagstovnurin við Velbastaðvegin
• Býlingshúsið undir Fjalli
• Dagstovnurin í Øksnagerði 

Eitt gott afturvendandi tiltak, ið ger skiftið millum barnagarð og skúla eitt sindur lættari.

(Myndir: Joan)