Tíðindi

 Lisa Hendriksdóttir undirvísir í heimkunnleika, og hon  greiðir soleiðis frá:
 

Við íblástri úr matsendingini “Masterchef” høvdu valbólkarnir í Heimkunnleika við næmingum úr 9. flokki eina heldur øðrvísi og spennandi løtu fyrrapartin mikudagin.  Kokkarnir vórðu býttir  upp í tvey lið, sum skuldu kappast um at gera bestu máltíðina. Eitt reytt lið og eitt blátt lið.
 
Treytir í uppgávuni

• Tvær  ókendar rávørur
• Ein  tími til ráðlegging
• borðreiða matin fyri eini dómaratrio. 

Lutakast gjørdi av, at reytt lið fekk  malið neytakjøt og soppar, og blátt lið fekk  feskan laks og spísskál. Umframt høvuðsrávøruna, sum skuldi mynda rættin, fingu tey eitt gott úrval av øðrum góðum at velja ímillum. Hugagóð  og spent  fóru tey til verka. Í  liðunum báðum gekk samstarvið sera  væl;  allar hendur vóru virknar, og tey megnaðu at koma við tveimum framúr vælsmakkandi rættum.
 
Hjá dómarunum var  ikki var lætt at taka dagar ímillum, hvat lið  var betri. Eftir drúgva samráðing og metingar millum teir tríggjar dómararnar, Lisu, Lillian og Jörgin,   var niðurstøðan, at bláa liðið við sínum litfagra, vælsmakkandi og innbjóðandi rætti Poké Bowl ,  vann kappingina. Reyða lið fekk eisini framúr skoðsmál fyri mjúka neytapastarættin  við m.a.  pastu, pasanosti og soppum.
 
Stuttligi  og spennandi uppliving í skúlakøkinum!
 
Myndir: lhe&jvú