Tíðindi
EPLAVIKA Í FORSKÚLANUM
NAVNAKAPPING
VÍSINDAVIKAN
2 KROSSFISKAR
NÝGGIR KRABBAR
ALTJÓÐA LESIDAGUR ER Í DAG
NIÐAN Á VESTURVARÐA
FIRVALDAR Í FOKUS
Í farnu viku hevur forskúlin havt eina serliga evnisviku, har næmingarnir hava lært um lívsferðina hjá firvaldinum. Við bæði spennandi upplivingum, handaligum arbeiði og góðum felagsskapi hava børnini fingið eina læruríka og hugnaliga viku
Sonja, sum er lærari í forskúlanum skrivar soleiðis til heimasíðuna:
Forskúlin hevur í farnu viku havt evnisviku um firvaldar. Vit byrjaðu fyri nøkrum vikum síðani, tá ið eitt starvsfólk heintaði brenninotur við ormverum á. Tær vórðu settar í vatn inni í øllum trimum floksstovunum. Síðani hava næmingarnir javnan hugt at ormverunum á notunum.
Nakrar vikur gingu og ormverurnar gjørdu seg um til reivverur og hava hingið soleiðis í 1-2 vikur.
Í evnisvikuni komu so fleiri firvaldar út, og teir liva nú í stovunum, til vit fara at lova teimum út í náttúruna aftur. Vit vóru so heppin, at eitt starvsfólk filmaði, tá ein firvaldur kom úr reivveruni. Sera hugtakandi.
Í morgunsanginum hava næmingarnir fingið ymiska vitan um firvaldar, sæð filmsbrot og sungið um firvaldar.
Í arbeiðsløtunum hava tey gjørt ymiskt handaligt, so sum ringrásina hjá firvaldinum og klipt og límað firvaldar, sum nú hanga uppi í stovunum.
Í útiskúlanum fór allur forskúlin oman í viðarlundina og har var uppgávan at gera firvaldar úr ymiskum, sum tey funnu har.
Okkara afturboðan er, at børn og foreldur hava lært nógv nýtt um firvaldar hesa seinastu vikuna. Sera stuttlig og gevandi vika.
Vinarliga
Sonja
Tekstur, myndir og upptøka: SSÍ
