Tíðindi

Um starvið

Søkt verður eftir námsfrøðingi, sum undir ábyrgd leiðslunnar og í samstarv við starvsfólk skúlans skal taka lut í dagliga virksemi skúlans innanfyri tær rammurnar sum virðisgrundarlag, mið og mál skúlans seta. Starv sum námsfrøðingur í grund- og miðdeild fevnir um saman við lærarum og øðrum námsfrøðingum at skipa skúladagin hjá næmingum í høvuðsheitum í miðdeild og lutvíst í grunddeild, ið hava avbjóðingar í gerandisdegnum.

Starvið krevur nakað av fyrireiking og eginleikar at kunna laga seg til tað, sum dagurin hevur at bjóða.

Vit vænta, at tú

Vit vænta, at tú hevur sett teg inn í virðisgrundarlag, mið og mál fyri Skúlan á Fløtum, og kennir teg aftur í hesum. Tú mást duga at samstarva og vera fyrikomandi. Vera fús/ur at taka á teg tær uppgávur og avbjóðingar, ið eru í gerandisdegnum í skúlanum og áhaldandi ert við til áhaldandi at menna skúlan. Tú ert stundvís/ur og røkin og sært virðið í felagsskapinum og torir at bjóða mørkunum av. Harumframt eru góðir kt-førleikar á brúkarastigi ein treyt.

Førleikakrøv

Umsøkjari skal hava prógv sum námsfrøðingur. Viðkomandi royndir eru ein fyrimunur. Um eingin námsfrøðingur søkir starvið, kann annar umsøkjari setast í tíðaravmarkað starv sum hjálparfólk skúlaárið 24/25.

Lýsing av skúlanum 

Endamálið við Skúlanum á Fløtum er í samstarvi við heimið at skipa eitt fjølbroytt og samanhangandi skúlatilboð frá forskúla til loknan fólkaskúla á einum føroyskum grundvølli.

Skúlin á Fløtum byggir á grundtættirnar trivnað, treysti og áræði, og aðalmálið hjá skúlanum er lærdómur.

Trivnaður, samstarv og felagsskapur eru megintættir í allari læru, og tí eru hesi flættað í okkara mentan.

Dentur verður lagdur á at menna sálarliga, kropsliga, handaliga, listaliga og bókliga treystið, har hendur og hugur samantvinna leik og læru.

Vit vilja stimbra áræðið hjá okkara næmingum, so teir megna tær avbjóðingar, teir møta í samfelagnum, náttúruni og framtíðini. Tí eru nærsamfelagið, útiumhvørvið og tøkni ein natúrligur partur av skúlanum.

Í Skúlanum á Fløtum ganga í løtuni 785 næmingar í 0. – 9. flokki.

Lønar- og setanartreytir

Talan er um fast starv við setanarbroti á 0,7 sambært sáttmála millum Føroya Pedagogfelag, Fíggjarmálaráðið og Kommunala Arbeiðsgevarafelagið.

Tann, ið settur verður í starv, eigur at tola broytingar í starvinum.

Umsóknir

Umsóknir við avriti av prógvum, CV og møguligum viðmælum skulu sendast til reginm@saf.fo, merkt “Starv, Námsfrøðingur” í seinasta lagi sunnudagin 6. oktober kl 13:00.

Starvið verður sett skjótast til ber eftir setanarsamrøðurnar, ið vera í viku 41.

 

Nærri fæst at vita um starvið hjá Regini Marnersson á tlf. 216676 ella við at senda ein teldupost til reginm@saf.fo