Tíðindi

Í 5. b eru 6 svimjarar, sum venja á 3. og 4. liði í Havnar Svimjifelag. 5 teirra kappaðust í Klaksvík í vikuskiftinum: Tórstein Mohr Holm, Jóhannis í Stórustovu, Lilja Sørensen, Magnus Akselson og Nóa Stakksund komu ikki tómhent til Havnar aftur sunnukvøldið. Tey vunnu hópin av heiðursmerkjum í bæði einstaklinga- og í liðkappingum. Slík úrslit koma ikki av sær sjálvum. Hørð og miðvís venjing skal til. Nógv onnur børn úr okkara skúla luttóku, men 5. b man vera tann flokkurin, sum hevur flest svimjarar. Vit ynskja teimum hjartaliga til lukku við úrslitunum.

Nóa Stakksund vantar á myndini.

Myndir: KDA