Tíðindi

Sára lærari skrivar

Fimleikarar úr øllum landinum hava júst kappast um føroyameistaraheitið í amboðsfimleiki í FIMI í Havn.

Kappast varð um føroyameistaraheitið bæði fyri einstaklingar (all-round) og hvørt amboð sær. 
Okkara Villiam í 2.b luttók í kappingini, og vann nærum alt, sum vinnast kann. Hann vann gullheiðursmerkið í amboðunum gólv, beinsveiggj, lop, parallel bar og rekk, og gjørdist sostatt samanlagt føroyameistari.

Stór og smá á Fløtum kenna best Villiam frá trampolinini í skúlagarðinum, har hann oftast vendir á høvdinum og ger ymisk torfør triks. Mangan fær hann garðvaktirnar at halda ondini við sínum kynstrum; kringur og skjótur, sum eg veit ikki hvat. Stuttligt er, at fylgja honum á leiðini.

Hjartaliga til lukku góði Villiam, vit halda áfram at heppa uppá teg.

Myndir: SSO