Tíðindi

Í sambandi við Umhvørvisvikuna hjá Tórshavnar kommunu skipar Maragrinfabrikkin fyri umhvørvisveiðu. Hesa ferð var sjóneykan sett á matoyðsl og á, hvussu vit sleppa undan, at matur endar sum rusk.

2. flokkur hevur verið á umhvørvisveiðu, har tey vitjaðu ymiskar postar í býnum, sum allir høvdu matoyðsl sum evni. Høvið var at práta um evnið og at svara ymiskum spurningum. Afturkomin í Margarinfabrikkina, fingu børnini møguleika at luttaka í verkstovum, har tey gjørdu okkurt gott burturúr grønmeti og frukt, sum er góð, hóast viku gomul. Hetta var ein stuttlig og góð umhvørvisveiða, eru vit øll samd um.

Myndir: AMS