Tíðindi

Gunvør Højgaard og Annika Marr Poulsen arbeiða við  eini verkætlan, sum hevur til endamáls at menna orðblindaøkið í fólkaskúlanum. Hetta er annað árið, og  verkætlanin er stuðlað av Mentamálaráðnum undir royndar- og menningarvirksemi í fólkaskúlanum. Tær eru báðar orðblindaráðgevar í okkara skúla og hava í nógv ár arbeitt við orðblindum næmingum. Hóast nógv er hent á orðblindaøkinum seinastu árini, hava tær sæð, at tað framvegis eru nógvar avbjóðingar, og at nógv viðurskifti eiga at verða bøtt um og betur skipað. Í stóran mun er talan um, at tørvur er á  mannagongum og leiðreglum, soleiðis at tá ið orðblindni verður staðfest, er rætta hjálpin tøk.

Við skúlablaðið siga tær báðar m.a. soleiðis: “Eins og í londunum kring okkum mugu vit rokna við, at 5-7% av næmingunum eru orðblindir, og tað vil siga, at tað helst eru 40-50 næmingar í Skúlanum á Fløtum, sum eru orðblindir. Tað eru fyrimunir og vansar at hava serflokkar; stóra avbjóðingin er at fáa undirvísingina hjá orðblindu næmingunum at passa saman við tímatalvuna hjá flokkinum, tí tað er ikki nóg gott at taka næmingin út úr undirvísingini í øllum lærugreinum...”

Les meira á heimasíðuni hjá Skúlablaðnum. Fylg slóðini HER.

Kelda: skulabladid.fo