Tíðindi

Skrivligu próvtøkurnar hjá 9. flokki halda ótarnaðar fram, hóast koronastøðan broyttist munandi um halguna. Í morgun hava næmingarnir støddfrøði, men eftir keðiligu tíðindini eru nógv færri næmingar í høllini í senn. Royndirnar hjá næmingunum í 7. og 8. flokki halda eisini fram, men tær verða hildnar heima, og sum vant umvegis netið.

Annars eru hesi tiltøk sett í verk:

• Næmingarnir skulu bert vera saman við teimum, sum eru í teirra árgangi
• Høli uttan fyri skúlan vera ikki nýtt
• Í mest møguligan mun skal matpakkin etast úti. Tá ið tað ikki ber til, verður tað í floksøkinum í kantinuni
• Allir setursskúlar og allar dagsferðir hesa vikuna eru frestað
• Øll mugu vaska sær um hendurnar, tá ið tey koma í skúla, tá ið tey fara í fríkorter, tá ið tey koma úr fríkorteri og undan hvørjari máltíð í skúlanum
• Eingin vitjandi skal inn í skúlan í skúlatíð hetta til onnur boð koma. Tað er eisini galdandi fyri foreldur, ið bara kunnu fylgja sínum børnum til dyrnar
• Øll undirvísing, ið kann flytasst út, verður flutt út. Øll mugu tí vera latin í eftir veðrinum
• Næmingar og starvsfólk, ið hava sjúkutekin, mugu ikki koma í skúla, fyrr enn negativ koronutest fyriliggur
• Øll boð til skúlan um sóttarhald ella positivar testir hjá næmingum skulu berast  avvarðandi flokslærara