Tíðindi
FØSTULÁVINTSHALD ER MÁNADAGIN
MOTORLÆRUBREYTIN HEVUR VERIÐ Á SLØKKISKEIÐI
FELAGS FORELDRAFUNDUR
SáF podcast: Verðin er í neyð
TEY GERA TUNNURNAR KLÁRAR
JENIS HEILSAÐI RÁSTEVNUGESTUM Á STÓRSKÍGGJA
LÁNIÐ BØKUR
ABBI KOM Á GÁTT AT SIGA FRÁ
Dánjal Poulsen, abbi Silas í 4 a, fortelur um Holocaust
Jónfríð er lærari í 4.a og hon greiðir soeliðis frá:
Í samband við at 27. januar er almennur minningardagur um Holocaust og onnur fólkadráp, varð hetta evnið viðgjørt í søgutímanum í 4. flokki tveir dagar seinni. Vit tosaðu um, hvussu fólk vórðu býtt upp og koyrd í týningarlegur og hugdu at upptøkunum, ið eru á heimasíðuni www.snar.fo. Næmingarnir vóru sera forvitnir, tá ið teir hoyrdu um tað ræðuliga, ið fór fram. Børnini vóru øll samd um, at slíkt ongantíð má henda aftur.
Í gjár kom so abbi Silas, Dánjal, á vitjan í søgutímanum og fortaldi okkum um Holocaust. Ein sera áhugaverd framløga, sum varð stuðlað við viðkomandi myndum. Serliga søgan um lítlu jødisku Eriku vakti serligan ans hjá næmingunum: Ávegis til eina týningarlegu varð unga sakleyusa gentan blakað úr einum toki við eina jarnbreytastøð. Helst var tað mamma hennara, ið gjørdi hetta fyri at bjarga lívinum í dóttur síni.
Tá Dánjal var liðugur at siga frá, høvdu næmingar høvi at seta honum spurningar, og tímin endaði við, at tey fingu saft og køku.
Ein áhugaverdur, læruríkur søgutími um eitt álvarsligt skakandi evni, sum samstundis var hugnaligur.
Vit takka Dánjali, abba Silasi, at hann gav sær stundir at koma á gátt at greiða frá.
_____________________________________
UM LÍTLU JØDISKU ERIKU:
