Tíðindi

“Hey, hevur tú tíð eina løtu,” tað er unga blíða lærarinna í javnflokkinum, ið stillisliga hevur bankað uppá. Hon vil so fegin koma inn at heilsa upp á næmingarnar. Tey Í 5.d hava kristni,  og um eina løtu er ein skái, og hon kemur aftur tá. Í eina tíð hevur hon  verið vikarur í 5. flokki, og í dag, fríggjadagin,  hevur hon sín seinasta arbeiðsdag, í hvussu so er á hesum sinni.  At hon skjótt fer í barnsburð kann ikki dyljast :-)

 
“Túsund takk fyri tíðina, eg havi havt saman við tykkum – tit eru ordiliga fitt, eitt sindur rokut við hvørt, men øgiliga góð at verða saman við,” Jenný tosar við glaðu, spentu  børnini, meðan hon gevur teimum øllum vatnís. Lærarin fær eisini ein, setur seg at hugagóður at svala sær tunguna, meðan hann tekur myndir....
 
------
Jenný hevur nú takkað fyri seg, og vit ynskja henni alt tað besta, og takk fyri tíðina, hon hevur verið í skúlanum hjá okkum