Tíðindi

Sára Sondum, lærari

Sára S, lærari i 1.b, hevur sent heimasíðuni hesi hugaligu tíðindi:

Desemburmánaður er á gáttini, og vit í 1.b hava glett okkum at fríðka floksstovuna til jóla. Vit gjørdu av, at vit vildu nýta ymiskt tilfar úr náttúrini, sum vit sjálvi kundu heinta og evna til jólprýði.

Vit fóru forvitin og fegin oman í vøkru viðarlundina í Prestlág, sum vit kalla Úlvaskógin. Í Úlvaskóginum eru ongir úlvar, men mangt annað forvitnisligt. Vit funnu m.a. greinar av ymiskum træsløgum, bløð, mosa, grannkonglar, træskivur og kubbar. 

Komin heim aftur á Fløtur, fóru vit í gongd við at evna tilfarið, sum er vaksið stutt hiðani, til jólaprýðir. Tað var so sera stuttligt og læruríkt.

Heilsan vit í 1.b   

Myndir: SSO