Tíðindi

Skúlastýrið skipar fyri felags foreldrafundi hósdagin 27. februar kl 19:00 í læraraskúlahøllini á Frælsinum.
Á fundinum leggur skúlastýrið stutta ársfrágreiðing fram, og síðani fer Jan Ziskasen at halda ein fyrilestur undir heitinum Tøkni - ein ringur harri og ein góður tænari. Fyrilesturin snýr seg m.a. um, hvørji krøv okkara børn møta, hvat vit sum foreldur skulu skilja og góðtaka, og hvussu vit sleppa undan at síggja trøll á alljósum degi og samstundis leggja merki til veruligar váðar. 

Lærarar og námsfrøðingar skúlans verða eisini á fundinum. Foreldur verða vinaliga biðin um at boða frá luttøku ella senda avboð; boðini skulu sendast  til avvarðandi  flokslærara. Kunning liggur eisini á flokssíðunum.