Tíðindi

Um tú ikki telur føðingardagar við, so er jólaaftan heilt avgjørt yndisdagurin hjá Miru. Tað er bara tað, at vaksin ofta gera desember til ein øgiliga fløkjasligan mánað. Er tað vanligt, at vaksin verða óvinir um jóladøgurðan? Ella at mamma tín hóttir við bara at geva heimagjørdar jólagávur?

Desember er heilt vist mánaðurin, tá ið vaksin eru mest barnslig. Tað ringasta er, tá tú  skalt velja ímillum mammu og babba, sum bæði vilja halda jólaaftan.

Í skúlanum eru nógv jólaloyndarmál. Tað er ógjørligt at gita, hvør jólavætturin hjá Miru er. Hon fær nevniliga ikki vanligar jólaheilsanir og gávur, so Mira noyðist at loysa gátuna um ónda jólavættrina.

Um bókina annars: 

• Rithøvundur:Sabine Lemir
• 24 kapitlar um vinalag, forelskilsi, familju - og eitt sindur um piparnøtir.
• Týðari: Silja Aldudóttir
• Teknari: Rasmus Bregnhøi
• Frágreiðing: Lilla krabbabók/krossfiskur- 4.torleikastig
• Forlag: BÓKADEILDIN - NÁM
• Útgávuár: 2025
• Síður: 134