Tíðindi

Í dag hevði Kristjan Petersen, lærari, sín seinasta arbeiðsdag í Skúlanum á Fløtum. í tí sambandi var samkoma í kaffistovuni, har starvsfelagar fingu høvi at heilsa upp á nýklakta eftirløningin og familjuna. Fleiri røður vórðu hildnar, gávur handaðar, og sjálvur takkaði  Kristjan starvsfeløgnum fyri farnu árini.

Kristjan gjørdist lærari í 1995, men áðrenn tað, hevði hann eitt drúgvt arbeiðslív uttan fyri  fólkaskúlan. M.a. arbeiddi hann hjá C. C. Johansen, har hansara øki var dynamitt. Og áhugan fyri tí evnafrøðiliga dró hann við sær inn í fólkaskúlan, har m.a. lat smáar kontroleraðar spreingingar fingu loyvi at plása seg upp á royndarborðinum í fysikkstovuni.

Náttúruvísindaligu lærugreinarnar eru Kristjansa hjartamál, serliga alis- evnafrøðin hevur staðið honum nær, men støddfrøðin hevur eisini fylt nógv. Sum tann fjølbroytti og dugnaligi maður hann er, so hevur hann staðið fyri fleiri øðrum lærugreinum eisini. 

Takk fyri Kristjan fyri tíðina, tú við ábyrgd sat

várt fysikksavn er kanska landsins besta.

Vit eiga stjørnukikara, lodd og máliband,

og ymisk kemikaliir, sum bresta! 

Soleiðis varð  sungið  dag við feskum orðum frá Bergi R. Alt tað besta Kristjan. Eydnu góða og blíða í tíðini, ið kemur. 

Myndir: jvú