Trivnaður, Treysti og Áræði

 

Endamál

Endamálið við Skúlanum á Fløtum er í samstarvi við heimið at skipa eitt fjølbroytt og samanhangandi skúla- og frítíðarskúlatilboð frá forskúla til loknan fólkaskúla á einum føroyskum grundvølli.

Skúlin á Fløtum byggir á grundtættirnar trivnað, treysti og áræði, og aðalmálið hjá skúlanum er lærdómur. Trivnaður, samstarv og felagsskapur eru megintættir í allari læru, og tí eru hesi flættað í okkara mentan.

Dentur verður lagdur á at menna sálarliga, kropsliga, handaliga, listaliga og bókliga treystið, har hendur og hugur samantvinna leik og læru.

Vit vilja stimbra áræðið hjá okkara næmingum, so teir megna tær avbjóðingar, teir møta í samfelagnum, náttúruni og framtíðini. Tí eru nærsamfelagið, útiumhvørvið og tøkni ein natúrligur partur av skúlanum.

Tí kunnu foreldur trygt velja okkara skúla til síni børn.

 

Virði

Vit vilja vísa í verki, at:

Vit trívast hvønn dag, allan dagin

Vit mennast í mun til egnan mátt og megi

Vit megna avbjóðingar

Vit flætta leik og læru í eina heild

Vit eru fakliga treyst

Vit eru sterkast saman

Vit eru virkin í samfelagnum, vit eru partur av

Vit eru partur av náttúruni, vit liva í og

Vit mynda framtíðina

 

Missión

Vit vísa í verki, at okkara næmingar eru treystir og hava áræði. At teir trívast og mennast í felagsskapinum og megna tær avbjóðingar, teir møta í samfelagnum, náttúruni og framtíðini.

 

Visión

Meira enn tað vanliga