Tíðindi

16. jun 2021

Prógvhandan

15. jun 2021

FORSKÚLIN HEVUR SUMMAR­FRAMSÝNING

15. jun 2021

GLOYMD KLÆÐI

14. jun 2021

TRIVNI LÝSTUR Í RIVMYNDUM

11. jun 2021

VIÐ FIMTA FRAM VIÐ SANDÁ

10. jun 2021

FIMISBRØGD OG SO ÍS OMANÁ

08. jun 2021

NÁTTÚRUMYNDIR ÚR NÆRUMHVØRVINUM

09. jun 2021

PAPPESKJA, TUNDUR, EGGJABAKKI..... OG SO STENDUR TAÐ SUM LIST

Harriet er lærari í Myndlist, og hon hevur sent heimasíðuni myndir og frásøgn um, hvussu næmingar í 4. flokki hava endurvunnið tilfar til list:

 

Skapað úr endurvunnum

Í fakinum myndlist/evning hava 4. floks næmingarnir arbeitt við at evna ymiskt úr endurnýtslu. Hetta hava teir hildið vera bæði stuttligt og spennandi, men eisini avbjóðandi, tí at teir hava sjálvir verið noyddir at finna uppá og hava skulað ímyndað sær, hvat skap, ið eitthvørt endurvunnið kundi taka.

Tað eru nógvar orsøkir, ið gera tað vert at arbeiða við endurnýtslu. Ein tann mest innlýsandi er, at so fer hetta ikki í burturkastið, men kann ístaðin innganga í aðra enn bert upprunanýtsluna. Ein onnur orsøk er, at tað mennir hugflogið og førleikan at skapa frá botninum av. Harafturat stimbrar hetta samstarvsevnini, í og við, at teir flestu næmingarnir hava arbeitt í sjálvskaptum bólkum. Síðst, men ikki minst, so hava næmimgarnir fingið eina vælverukenslu av at síggja tey lidnu verkini, ið at byrja við vóru ein pappeskja, eitt tundurpetti, eitt papprør, ein eggjabakki, ein plasttallerkur ella hvat, ið nú var at finna í endurnýtslutilfarinum.

Tey hava brúkt tilfar sum t.d. klistriband, lím, máling og decoupage saman við tí endurvunna til at skapa verkini. Á hesum myndunum síggja vit bert nøkur fá av úrslitunum, tí at fleiri teirra eru longu heima hjá næmingunum.

Tað hevur verið ein sonn fragd at sæð 4. flokk  arbeitt so hugagott og ágrýtið við hesum arbeiði og eggjar hetta til at útbyggja henda partin, so at tað fer at vera møguleiki hjá næmingunum at fordjúpa seg í at skapa og evna frá tí, ið tænti øðrum endamáli, áðrenn tað endurvunnið í myndlist/evning.

 

Office 365
Matpakkin
K-skíggi
I-bók
Flokkar