Tíðindi

At ganga í forskúla er stuttligt, spennandi  og læruríkt. Hesaferð gekk leiðin  hjá forskúlanæmingunum út í Havnardal, har frítíðarskúlin Spírin heldur til. Bjørg lærari sigur, at tey í løtuni arbeiða vit við ymiskum, sum Hans Andrias hevur yrkt, m.a. við vakra kenda barnasanginum  Ein firvaldur í góðum lag.

Úti í Spíranum klekja tey firvaldar, og tað sluppu forskúlabørnini at síggja. Og ímillum litfagru livandi kyktini vóru  fleiri sera flottir admiralar.

Sum vera man dámdu børnum væl spennandi  námstúrin  út í Havnardali. Og eitt, sum gjørdi tað so sera frálíkt, var, at hann hóskaði  so væl til evnið, tey arbeiða við í løtuni.

Hoyrið eisini  Anniku Hoydal syngja vakra sangin hjá Hans Andriasi.

(Myndir: Bjørg Krossteig Olsen)