Tíðindi
RITHØVUNURIN VITJAR
NÆMINGAR Í 9. FLOKKI: ROYNDU SEG SUM LÆRARAR
TEY Í 5. D VITJAÐU UMBORÐ.....
FRÁ TURRUM BREYÐI TIL EGGJATÓST
GUÐRUN STJÓRNAÐI SYMFONIORKESTRINUM
LANDSROYNDIR
HVØR ER LESARIN?
FÓLKASKÚLIN Í SAMGONGUSKJALINUM
Jenis av Rana úr Miðflokkinum hevur avloyst Honnu Jensen úr Framsókn sum landsstýrismaður í Mentamálum. Fólkaskúlin liggur undir Mentamálaráðnum, og tískil liggur evsti myndugleikin yvir skúlanum har. Vit ynskja nýggja landsstýrismanninum til lukku og hepna hond í virkinum fyri skúlan.
Um fólkaskúlan verður sagt soleiðis í samgonguskjalinum:
Ein góður skúli er grundarsteinurin í samfelagnum. Landsins skúlaskapur skal tryggja øllum holla útbúgving, handaliga sum andaliga, har øll skulu hava møguleika at vinna sær útbúgving. Skúlin skal framhaldandi byggja á kristna siðalæru og føroyska mentan.
Fólkaskúlin skal vera fyri øll. Allir næmingar í fólkaskúlanum skulu fáa dygdargóða frálæru- og undirvísingartilboð.
Tillagingar og dygdargóðar broytingar verða gjørdar í fólkaskúlalógini í samband við m. a. floksstødd, serøki og starvsfólkaviðurskifti.
Neyðugt verður eisini at styrkja kreativu og handaligu lærugreinarnar, talgildu førleikarnar og málmenningina hjá næmingunum.
Harafturat verður neyðugt at styrkja mál- og mentanarundirvísingina hjá næmingum við fremmandum uppruna.
Vit eiga framhaldandi at stuðla skrivi- og lesiveikum næmingum, soleiðis at teir kunnu nema sær útbúgving á jøvnum støði við onnur.
Skúlatilboðini til teir næmingar, sum hava menningartarn og koma úr fólkaskúlanum, verða ment.
Samskipanin millum dagstovnaøkið og fólkaskúlan verður ment, og dagstovnalógin verður endurskoðað.
(Kelda: samgonguskjalið millum Fólkaflokkin, Sambandsflokkin og Miðflokkin)