Tíðindi

Í dag er 27. juni,  dagurin tá ið  børnini fara í summarfrí. Seinasti morgunsangurin á Frælsinum  í hesum skúlaárinum var í morgun. Tey sungu Gakk tú tryggur og Mítt alfagra land -   Ingun sat við klaverið og Anna Sofia spældi trompet til lagið hjá Peturi Alberg, sum hann smíðaði til tekstin hjá Símuni av Skarði.

Eftir summarfrítíðina flyta tey, sum ganga í 7. flokki, út á Argir og niðan í Gundadal og gerast partur av hádeildini. 3. flokkur, sum í ár hevur verið í Finsen, flytur niðan á frælsið og verður 4. flokkur.

Komandi skúlaár er staðsetingin henda:

• 1. og 2. flokkur: Kongagøta
• 3. flokkur: Finsen
• Sertilboðið 4-10: Ytri skúli
• 4. – 7. flokkur: Frælsið
• 8.ð og 9.ð: Argir
• Ítróttarflokkar, 8. og 9.: Gundadalur

Skúlin byrjar aftur mánadagin 19. august, og tað er seinasta skúlaárið Skúlin á Fløtum húsast í fleiri bygningum í býnum. Í juni næsta ár verður flutt út á Fløtur, so klárt er at byrja í spildur nýggjum skúla um eitt smáar 14 mánaðir.