Tíðindi

Nakrir næmingar í grunddeildini fóru í gjár  ein námstúr við Katrini námsfrøðingi oman í  Álaker at vitja  Havnar Róðrarfelag.

Tjóðarítróttin hevur í meira enn eina øld fylt nógv í summarhálvuni, og nú er hon eisini farin at gera um seg um veturin: Dagliga  sita rógvarar og venja á rógvimaskinum, og stundum fara teir enntá  út í heim at kappast. Fyri fáum døgum síðani frættist um Sólrun í 6. D, sum vann fremsta heiðursmerki í Danmark (les á leinkinum HER).
 
Katrin var íðin rógvari í unglingaárunum, so upplagt er hjá henni at vísa leiðina til lívliga róðrarneystið hjá 91 ára gamla felagnum.  Har fingu børnini høvi at síggja  snotiligu kappróðrarbátarnar,  og ein av felagsmonnunum,  Regin, kryddaði samveruna við greiða  frá um  tað at rógva kapp. Forvitnu áhugaðu næmingarnir  sluppu eisini at royna rógvimaskinurnar, sum teimum dámdu sera væl, sigur Katrin við heimasíðuna.
 
Myndir: KKJ