Tíðindi
SPENNANDI OLYMPISKIR LEIKIR
RITHØVUNURIN VITJAR
NÆMINGAR Í 9. FLOKKI: ROYNDU SEG SUM LÆRARAR
TEY Í 5. D VITJAÐU UMBORÐ.....
FRÁ TURRUM BREYÐI TIL EGGJATÓST
GUÐRUN STJÓRNAÐI SYMFONIORKESTRINUM
LANDSROYNDIR
NÚ BØRNINI ERU FARIN Í SKÚLA
HEITIR RÁÐIÐ FYRI FERÐSLUTRYGD Á FÓLK AT VERA VARÐIN Í FERÐSLUNI
Børnini eru farnin aftur í skúla. Hetta merkir, at tað aftur verða børn í ferðsluni á veg í og úr skúla. Vit skulu altíð geva bleytu ferðsluni gætur, og nú skúlarnir eru byrjaðir, skulu vit vera serliga varin. Fleiri børn, ið eru smá og óroynd í ferðsluni, eru á gøtunum. Tað krevur, at ferðin verður sett niður, og at vit eru gáin.
Tilfar til foreldur
Ráðið fyri Ferðslutrygd leggur upp til, at foreldur fara út í ferðsluna við børnunum at venja tey. Tað krevur venjing og royndir at gera børnini til trygg vegfarandi og at læra tey, hvørjum tey skulu ansa eftir á vegunum.
Tað er tíbetur sjáldan, at børn í føroysku ferðsluni fáa skaða, og hetta er millum annað tí, at foreldur duga væl at ansa eftir teimum, og hesum skulu vit halda fast í.
Nú barnið er farið í skúla, er hetta ein nýggj støða, og hon krevur, at tey smáu duga at bera seg rætt at í ferðsluni. Barnið lærir ikki um ferðslutrygd av baksetrinum í bilinum, ella við at hyggja í eina bók. Tí verður mælt til, at foreldur fara út í ferðsluna saman við barninum. Tess meira foreldur og børn venja í ferðsluni, tess raskari verður barnið at ferðast sjálvt.
Allir næmingar í 1. flokki fáa ein súkkluhjálm og faldara við góðum ráðum til trygga atferð í ferðsluni. Eisini eru góð ráð og venjingar at finna á leinkinum HER . Í heyst fáa tey yngstu eisini endurskinsvest. Harumframt er ferðsla kravt undirvísingarevni í skúlanum.
(Kelda: Ráðið fyri ferðslutrygd)