Tíðindi

23. mai 2022

VERKSTOVUR: LÍVIÐ Í SJÓNUM

20. mai 2022

ROYNDIR­NAR ERU BYRJAÐAR

19. mai 2022

HVUSSU SKRIVI EG EIN GÓÐAN STÍL?

18. mai 2022

Størv í Gula skúla

18. mai 2022

RASKIR OG TREISKIR SÚKKLARAR Í 6. FLOKKI

16. mai 2022

SKRIVLIGAR PRÓVTØKUR OG ÁRSROYNDIR

16. mai 2022

SKÚLABÓKA­SAVNIÐ: BETRI ATGONGD, MEIRA LESTUR

05. mai 2022

1.B Á NOTUVEIÐU

 

 

Notu-gandadrykkur

Tað er maimánaður, og tað er farið at vára. Notan er akkurát farin at vaksa, og bløðini eru lítil og fín, og tí er smakkurin mildur og góður. Seinni í summar verður plantan høg, einar 40 cm, og tá eru bløðini vorðin myrkagrøn og smakka nakað beiskari enn nú, men tey kunnu saktans brúkast í alt summar.

Notan er drotningin í planturíkinum. Hon hevur eina rúgvu av vitaminum og mineralum í sær. Tað vita grasormarnir og flogkyktini, og tí hava tey valt hana til sína drotning og vilja búgva í hennara ríki. Grasormarnir liva væl á notunum, eta seg trillrundar, so teir orka at blíva til vakrar og litfagrar firvaldar.

Notan er sunn, men hon stingur. Hon hevur nálir, og tær brenna, um tær koma á húðina. Tí skulu vit brynja okkum væl, tá vit fara á notuveiðu. Gummihandskar, toyposa og saks, og so kann notuveiðan byrja. 

Vit í 1.b hava verið á notuveiðu í Sandagerði, og síðani gjørt okkum notu-gandadrykkin. 

Uppskrift úr Hvannpoppkorn og summardáafruktsalat eftir Joan Sørinardóttir:

(2 gløs)

Tú skalt brúka:

  • 4 lítlar koppar av notubløðum
  • 4 appilsinir
  • 4 ísterningar

Soleiðis gert tú:

  • Skola notubløðini og kóka tey í 3 min.
  • Sálda vatnið frá og lat noturnar kølna.
  • Pressa saftina frá appilsinunum og koyr í ein blendara (ella djúsara) saman við notubløðunum.
  • Blenda, stoyt í gløs og koyr ísterningar í. Pynta glasið við at leggja nøkur myntubløð á drykkin. 

Í staðin fyri ísterningar ber til at frysta víndrúvur at hava í.

Myndir:  Nathaniel í 1.b

Office 365
Matpakkin
K-skíggi
I-bók
Flokkar