Tíðindi

Týsdag fyrrapart hittast umboð fyri skúlabókavørðir í Tórshavnar kommunu á býarbókasavninum til fundar. Høvuðsuppgávan er at bíleggja nýggjar bøkur til skúlarnar í kommununi, men pláss er eisini til at umrøða spurningar, sum hava við skúlabókasøvnini at gera.
 
Týsdagin hittust umboð fyri skúlarnar  her úti á Fløtum. Henda dagin var  tíðin  fyrst av øllum nýtt til at síggja skúlan, meðan ymsar viðmerkingar og ráð skiftust millum áhugaðu bókavørðirnir. Øll, sum hava við bókasvønini at gera, eru lærarar við drúgvum skúlaroyndum, og fleiri teirra hava eisini serútbúgving innan økið.

Á myndini omanfyri eru frá vinstru Ása, Jacoba, Hanna, Maria, Helga  og Jörgin. Elin, sum myndtók,  og Marin vanta á myndini.