Tíðindi
RITHØVUNURIN VITJAR
NÆMINGAR Í 9. FLOKKI: ROYNDU SEG SUM LÆRARAR
TEY Í 5. D VITJAÐU UMBORÐ.....
FRÁ TURRUM BREYÐI TIL EGGJATÓST
GUÐRUN STJÓRNAÐI SYMFONIORKESTRINUM
LANDSROYNDIR
HVØR ER LESARIN?
FYRRVERANDI SKÚLASTJÓRI VITJAÐI
Nú ein dagin kom fyrrverandi skúlasstjórin í Venjingarskúlanum inn á gólvið at hyggja at nýggja skúlanum á Fløtum. Sum vera man nýtti hann samstundis høvi at heilsa upp á fyrrverandi starvsfelagar, sum stórliga fegnaðust um løtuna. Skúlaáhugaði gesturin var bæði bilsin og ovfarin av góðu umstøðunum og stásiligu kørmunum.
Natti, sum hann eisini verður nevndur manna millum, er ein av royndastu skúlafólkum í landinum, hevur verið skúlalærari, varaskúlastjóri og skúlastjóri bróðurpartin lívinum, øll árini í Venjingarskúlanum. Samstundis hevur hann fingist við at umseta og skriva og hevur tannvegin eisini dugna ættarliðum av fólkaskúlanæmingum. Og tey, ið fylgdu við ítrótti í 70 árunum, minnast hann sum ein av ídnastu hondbóltsspælarum í landinum m.a. saman við Hanusi Joensen og Sverra Jacobsen, sála, sum báðir hava bond til okkara á Fløtum eisini.
Natti fór frá fyri fleiri árum síðani, og tá fekk hann høvi at royna seg sum politiskan floksskrivara í eina tíð, gamaní í øðrvísi umhvørvi, enn hann var vanur við sum lærari, men spennandi kortini. Men beint áðrenn Kommunuskúlin og Venjingarskúlin løgdu saman í august 2015, vóru boð eftir skúlamanninum á Ternuryggi, og hann vendi aftur at vera í nakrar mánaðir. Venjingarskúlin lá nevniliga í stjóraloysi og skikkað fólk mátti í stjórasessin - góða loysnin varð vald. 1. januar í 2016 gjørdust Kommunuskúlin og Venjingarskúlin ein og sami skúli, sum hálvt ár seinni fekk navnið Skúlin á Fløtum. Fyrrverandi skúlastjórin hevur síðani tá notið sítt otium saman við konuni Oddvá, ið eisini er eftirløntur lærari.
Niels Torkil Nattestad var sostatt seinasti skúlatjórin í Venjingarskúlanum. Seinasti skúlastjórin í Kommunuskúlanum var Hanus Joensen, sum við samanleggingini gjørdist fyrsti stjórin í Skúlanum á Fløtum.